یہودی آباد کاروں نے فلسطینی کھیتوں میں کھڑی فصلوں کو آگ لگادی

    


فلسطین کے مقبوضہ مغربی کنارے میں غاصب یہودی آباد کاروں کے فلسطینی املاک پر حملوں کا سلسلہ جاری ہے۔ بدھ کو علی الصباح شمالی شہربیت لحم کے جنوب میں عقربا کے مقام پر فلسطینیوں کی کھیتوں میں کھڑی فصلیں تباہ کر دیں، جن کے نتیجے میں شہری چاول، گند اور لوبیا کی فصل سے محروم ہو گئے ہیں۔

مرکز اطلاعات فلسطین کے مطابق مقامی سماجی کارکن اور یہود توسیع



پسندی کے مخالف کمیٹی کے رکن حمزہ دیریہ نے ایک نیوز کانفرنس میں بتایا کہ یہودی آباد کاروں نے رات گئے فلسطینیوں کی فصلوں کو آگ لگادی جس کے نتیجے میں اور چاول کی فصلوں  کو نقصان پہنچا اور بھیڑ بکریوں کے لیے تیار کردہ چارے کو بھی نذرآتش کر دیا گیا۔

ادھر نابلس میں رات گئے انتہا پسند یہودی آباد کاروں نے فلسطینیوں، عربوں اور مسلمانوں کے خلاف نسل پرستانہ نعروں کی چاکنگ بھی کی۔